Публикации » Пĕрлехи информаци кунĕ

19 июля 2008 г.

Утă уйăхĕн 16-мĕшĕнче районта Пĕрлехи информаци кунĕ иртрĕ. Унта федерацин "Стандартизацин, метрологин тата сертификацин Чăваш Енри центрĕ" патшалăх учрежденийĕн директорĕ А.Иванов хутшăнчĕ. Александр Николаевич ертсе пыракан ушкăн "Елчĕкри сыр туса кăларакан завод" ОАОра пулса унти ĕç-хĕлпе паллашрĕ, рабочисемпе тĕл пулчĕ. 2008 çулта иртнĕ Республика кунĕн пĕтĕмлетĕвĕ, Чăваш Республикин муниципаллă вĕрентĕвĕн аталанăвĕн стратегиллĕ юхăмĕсем; вырăнти хăй тытăмлăх органĕсен ялсене тирпей-илем кĕртессипе, халăха пахалăхлă пулăшупа тивĕçтерессипе, экологие тата тăван тавралăха упрассипе çыхăннă ыйтусене татса парассин тĕп тĕллевĕсем Пĕрлехи информаци кунĕн темисем пулчĕç. Пĕрлехи информаци кунне хутшăннă ушкăнсем халăхпа тĕл пулнă май тĕп темăсене сỹтсе явнă.