16 июля 2008 г.
Чылай çул каялла çĕршывра, тĕнчере унта та кунта терроризм вăй илнĕ тĕслĕхсем сахал мар пулчĕç. Мускаври пĕр театрта пухăннă 100-шер çынна темиçе кун тыткăнра тытни халĕ те асрах. Америка çĕршывĕнчи икĕ çỹллĕ çурта сирпĕтни, Бесланра пĕр айăпсăр çынсене вĕлерни тĕнчене ура çине тăратрĕ. Вĕсенче чылай çын пурнăçĕ татăлнă. Унтанпа нумай çул иртнĕ пулсан та, лăпланса ларма, тимлĕхе çухатма юрамасть. Ялсене ытти регионран е ют çĕршывран пĕр-пĕр тăванĕ патне килекен çынсем сахал мар. Вĕсем регистраци тумасăрах пурăнма пултараççĕ. Кăнтăр енчи республикăсенче пурăнакансем пысăк сумкăсемпе ялсем тăрăх çỹрени те халăха сисчĕвлентермелле. Килнĕ çынсем мĕнле шухăшлă пулнине никам та пĕлмест. Çавăнпа та çывăхра иккĕленчĕклĕ е ют çынсем пурăннине асăрхасан, çакăн пирки шалти ĕçсен пайне е миграци службине пĕлтерме ыйтатпăр. Автовокзал, культура çурчĕ çывăхĕнче, ытти обществăлла вырăнта ют сумка е рюкзак выртнине, иккĕлентерекен автомашина тăнине курсан кун пирки тивĕçлĕ органсене пĕлтерме васкăр. Ют сумка-рюкзаксене тытса е уçса пăхни хака ларма пултарать.