09 июля 2008 г.
Японири Хоккайдо утравĕ çинче чи пысăк 8 патшалăх саммичĕ уçăлнă. Унта Раççей, Аслă Британи, Франци, Германи, Итали, Япони, Канада тата АПШ, çавăн пекех аталанакан 22 çĕршыв пуçлăхĕсем хутшăнаççĕ. Саммитра нефть хакĕ ỹснипе, çанталăк палăрмаллах ăшăтнипе çыхăннă ыйтусене пăхса тухĕç. Милиционерсем террористсене ярса тытнă Дагестанри право йĕркине сыхлакан органсен сотрудникĕсем преступниксен ушкăнне ярса тытнă. Унти çынсене террористла ĕçсем тунă, милиционерсене вĕлерме хăтланнă тесе айăплаççĕ. Преступниксем Хасавюртра тата Хасавюрт районĕнче темиçе теракт хатĕрленĕ. Ушкăна миçе çын кĕни çинчен пĕлтермеççĕ. Абхазири взрыв Вырсарни кун каçхине Абхазири Гали хулинчи кафере взрыв пулнă. Унта 4 çын вилнĕ, аманнă 6 çынна больницăна илсе кайнă. Взрыв вăхăтĕнче хулари патшалăх хăрушсăрлăх службин пай пуçлăхĕ, вырăнти чикĕ çарĕсен çар служащийĕ тата 2 çын вилнĕ.