Публикации » Кану паркĕ йыхравлать

05 июля 2008 г.

Çак кунсенче Елчĕкри тĕп стадион илемлĕ юрă-кĕвĕ ытамне путрĕ. Ача-пăчан хаваслă сасси инçетренех илтĕнет. Кунта Хусанти куçса çỹрекен зооцирк килнĕ. Тискер чĕр чунсемпе çывăхрах паллашас текенсем йышлă. Ара, темиçе çĕр тенкĕ парса тĕп хуламăра та каймалла мар. Арăсланран пуçласа тилĕ таран курма пулать. Кунтах темиçе тĕрлĕ аттракцион ĕçлет. Драконпа е "Паравуспа" ярăнас килет е "Джиппа" çỹрес кăмăл пур? Тархасшăн, чун илĕртмĕш "Ноев ковчег" вăйăсем кĕтеççĕ сире. Кану паркĕ 10 сехетрен пуçласа 21 сехетчен ĕçлет. Зооцирк, аттракционсем тỹлевлĕ. 5 çул тултарайман ача-пăчасен çеç укçа тỹлемелле мар. Кану кунĕсенче сире çемьепе пĕрле Елчĕкри тĕп стадионта кĕтеççĕ. Зооцирк Елчĕкре утă уйăхĕн 10-мĕшĕччен ĕçлет.