02 июля 2008 г.
Кашни çулах Перекет банкĕн Патăрьелĕнчи 4440Ỹ036 номерлĕ хушма офисĕн Патăрьел, Шăмăршă, Комсомольски, Елчĕк районĕсенчи уйрăмĕсенче ĕçлекенсем хушшинче йăлана кĕнĕ спорт ăмăртăвĕсене йĕркелеççĕ. Банк работникĕсене кăçал Елчĕк районĕ йышăннă. Вĕсем шывра ишессипе, волейболла, футболла выляссипе ăмăртнă. Пĕрремĕш вырăна Патăрьелсем, иккĕмĕшне Комсомольскисем йышăннă. Елчĕксем виççĕмĕш вырăна тухнă. Спорт ăмăртăвĕсенче çĕнтерỹ тăвасси мар, вĕсене хутшăнасси, пĕр-пĕрин ĕçĕ-хĕлĕпе паллашасси, пĕр тĕллевпе ĕçлесси тĕп вырăнта тăнă.