Публикации » Çамрăк çемьесене - пысăк тимлĕх

28 июня 2008 г.

 Елчĕк ял тăрăхĕнче "Пурăнмалли çурт-йĕр" наци проекчĕ пурнăçа кĕрсе пыни аван курăнать. Çулсеренех кашни урамра çĕнĕ çуртсем çĕкленеççĕ, район центрĕнче нумай хваттерлĕ çуртсем ỹсе-ỹсе лараççĕ. "Çамрăк çемьесене çурт-йĕрпе тивĕçтересси" çум программа ĕçлеме пуçланăранпа патшалăхран пулăшу ыйтса Елчĕк ял тăрăхне 88 çемье заявлени панă, 13 çемье субсиди илнĕ. Акă, Патреккелти Сядуковсем çурт тăваççĕ, ыттисем çурт-йĕр е хваттер туяннă. Патшалăх çамрăксене пысăк тимлĕх уйăрни тин çеç çемье çавăрнă мăшăрсене малашлăха шанма пулăшать. Çурт-йĕр тăвас тĕлĕшпе палăртнă республика программисем халăха, уйрăмах çамрăксене, савăнăç кỹреççĕ.