Публикации » Усăллă тĕл пулу

28 июня 2008 г.

Тĕп библиотекăри "Сенкер çулăм" клуб членĕсен черетлĕ тĕл пулăвĕ уйрăмах интереслĕ иртрĕ. Чи малтанах "çавра сĕтел" хушшине пухăннисене краеведени секторĕн ертỹçи Л.Иванова Н.В.Никольский тĕпчевçĕ-ăсчах, педагог-просветитель, обществăпа политика ĕçченĕ, "Хыпар" хаçат никĕслевçин пурнăçĕпе ĕçĕ-хĕлĕ çинчен тĕплĕн каласа пачĕ. Кунтах пухăннисем ăсчаха халалласа хатĕрленĕ кĕнеке выставкипе те паллашма пултарчĕç. Тĕл пулун иккĕмĕш пайĕнче чĕннĕ хăна _ Э.Ю.Кузнецова аслă категориллĕ тухтăр-терапевт сăмах илчĕ. "Сенкер çулăм" клуб членĕсем аванах çулсемлĕ пулнине кура та пулĕ калаçу гипертони чирĕ, унăн сăлтавĕсем, ăна асăрхаттарасси пирки пычĕ. Итлекенсем çак чирпе çыхăннă чылай ыйтусем çине тулли те пурнăçра кирлĕ хуравсем илсе кăмăллă юлчĕç. Çакăн пек тĕл пулусем час-часах йĕркелеме калаçса татăлчĕç.