Публикации » Пысăк ĕçшĕн _ пысăк тав

28 июня 2008 г.

Физкультурăпа спорта аталантарас, сывă пурнăç йĕркине сарас ĕçе пысăк тỹпе хывнăшăн Елчĕкри ачасемпе çамрăксен спорт шкулĕн тренер-преподавательне Николай Ефимович Молоствова федерацин физкультурăпа спорт енĕпе ĕçлекен агентствин Хисеп грамотипе наградăланă. Николай Молоствов районти пĕтĕмĕшле пĕлỹ паракан шкулсенче, ачасемпе çамрăксен спорт шкулĕнче 31-мĕш çул ĕçлет. Çав вăхăтра нумай ачана спортпа туслаштарнă. Унăн вĕренекенĕсем спортра пысăк çитĕнỹсем тăваççĕ. Хальхи вăхăтра тăватă вĕренекенĕ Шупашкарти тата Мускаври Олимп резервĕсем хатĕрлекен училищисенче спорт ăсталăхне ỹстереççĕ. Виççĕшĕ штанга йăтассипе Раççей спорт мастерĕн нормативне тултарнă.