Публикации » Журналистсем - Елчĕкри лагерьте

18 июня 2008 г.

Елчĕкри пĕтĕмĕшле пĕлỹ паракан вăтам шкул çумĕнчи ачасен сывлăхне çирĕплетмелли лагерьне хальхи вăхăтра 100 ача çỹрет. Тĕрлĕ çемьерен вĕсем. Çак кунсенче Чăваш телевиденийĕн сотрудникĕсем, "Шевле" программа тата унăн ертỹçи Марина Карягина журналистка вĕсем патĕнче хăнара пулнă. Лагерь ачисем "Улăп" спорт комплексĕнчен тухма пĕлмеççĕ. Шăпах бассейнра вĕсем "Шыв уявĕ" ирттернĕ те. Унта Нептун-патша, принцесса тата ыттисем килсе çитнĕ. Педагогсем юмахсемпе ачасене воспитани парасси çине пысăк тимлĕх уйăрнă. Тĕрлĕ конкурссем иртнĕ уявра. Чи пултаруллисем парнесем илме тивĕçнĕ. Лагерь ачисен асра юлмалли саманчĕсене вара çывăх вăхăтра телевизорпа курăпăр.