10 июня 2008 г.
Акара тар кăларса ĕçленĕ хыççăн, хăна пулма _ ака пăтти çисе савăнма та кăмăллă. "Прогресс", "Победа", "Марс", Ленин ячĕллĕ, "Нива", "Аранчеево" ял хуçалăх предприятийĕсем уява пуçтарăннă халăха хăйсем пĕçернĕ пăтă-шỹрпепе, ытти тутлă ĕçме-çимепе илĕртрĕç. "Победа" хуçалăхран килнĕ поварсем какай шỹрпине кунта _ уйрах пысăк хуранпа кăвайт çинче пĕçереççĕ. Сивĕ çанталăкра кăвайт умне пырса ăшăнни те мĕне тăрать. Тип çу ăшĕнче çăтăр-çатăр туса пиçекен йăвана (пончик) çак çанталăкра, пушшех, вĕрилле пылак чейпе ас тивсе курас текенсем уйрăмах йышлă пулчĕç. "Акционерсен "Прогресс" обществи ĕлĕкхи чăвашсен йăли-йĕркине çирĕп пăхăнса чăкăт, капăртма, шăрттан хатĕрленĕ. Кăмакаран тин пиçсе тухнă шăрттан, сивĕнме те ĕлкĕрейменскер, чăннипех техĕмлĕ, тутлă. "Марс" хуçалăхри ĕçченсем _ Сăръел тутарĕсем пире, чăвашсене, кашни çул хăйсен наци апат-çимĕçĕпе хăналаççĕ. Чустаран губадия, ĕç пăçмак, кăш-тĕлĕ, бармак, катлапчык ятлă вĕсен тутлă апачĕсене урăх нихăш çĕрте те тутанса курман. Ленин ячĕллĕ, "Аранчеево", "Нива" хуçалăхсем пĕçернĕ пăтă та питĕ тутлă.