27 сентября 2017 г.
Шупашкарта ĕç çыннисен Пĕтĕм Раççейри тăваттăмĕш спартакиади иртнĕ.
Чăваш Ен чысне пирĕн район спортсменĕсем те чыслăн хỹтĕленĕ. Елчĕксем 3 ылтăн, 2 кĕмĕл, 1 бронза медаль çĕнсе илнĕ. Уйрăмах армрестлерсем - Елена Портнова (чемпионка), Александр Валерьянов, Сергей Солин (кĕмĕл медалистсем), кире пуканĕ йăтакансем - Димитрий Енедеров, Екатерина Козлова (чемпионсем), Николай Николаев (бронза) палăрнă. Канат туртассипе Чăваш Ен команди иккĕмĕш вырăна тухнă. Команда йышĕнче Сергей Солин та тупăшнă.
Район спортсменĕсем Раççей шайĕнчи ăмăртура ỹсĕмсем тунă çĕрте вĕсен тренерĕсен те - Михаил Скворцовăн, Сергей Солинăн, Олег Федоровăн тỹпи пысăк.