20 сентября 2017 г.
9-11-мĕш классенче вĕренекенсемшĕн чи пĕлтерĕшлĕ ыйту - шкултан вĕренсе тухсан тивĕçлĕ професси илесси.
Елчĕкри пĕтĕмĕшле пĕлỹ паракан вăтам шкулта иртнĕ кунсенче Чăваш Енри çамрăк предпринимательсен клубĕн представителĕ, "Çулталăкри социаллă бизнес" номинаци çĕнтерỹçи Алексей Ефимов пулнă. Вăл пулас студентсен умĕнче "Эпĕ - предприниматель" лекци вуланă. Предприниматель ĕçĕ-хĕлĕпе тата пĕрремĕш утăмсене çывхартассин вăрттăнлăхĕсемпе паллаштарнă.
Çамрăк предприниматель вĕренекенсен ыйтăвĕсем çине те хуравланă.