16 сентября 2017 г.
Ĕнер - авăн уйăхĕн 15-мĕшĕнче Чăваш Республикин Пуçлăхĕ Михаил Игнатьев хутшăннипе иртекен "Приложение силы" телепроектăн çĕнĕ кăларăмĕ эфира тухнă.
Ку чухне туризма аталантарасси çинчен калаçнă. Чăваш Ене туристсене илĕртес тĕллевпе мĕн тумалла? Республикăн ят-сумне епле çĕклемелле? Республика ертỹçи çак тата ытти нумай ыйтăва экспертсемпе пĕрле сỹтсе явнă.
Кăларăма Раççейри паллă журналист, РФ Общество телекуравĕн ятарлă проектсен дирекцийĕн пуçлăхĕ Сергей Ломакин ертсе пынă. "Приложение силы" программăна авăнăн 15-мĕшĕнче ирхине 9 сехетре "Раççей 1" телеканалпа кăтартнă. Паян - авăн уйăхĕн 16-мĕшĕнче 19 сехетре ăна "Раççей 24" телеканалпа тепĕр хут курма пулать.