16 сентября 2017 г.
Çитес юнкун - авăн уйăхĕн 20-мĕшĕнче республикăра, çав шутра пирĕн районта та Пĕрлехи информаци кунĕ иртет.
Информаци ушкăнĕсем халăхпа тĕл пулнă вăхăтра вырма ĕçĕсем мĕнле пынипе, пурăнмалли çурт-йĕрпе коммуналлă хуçалăх объекчĕсене хутса ăшăтмалли тапхăра мĕнле хатĕрленнипе, граждансем ялсене тирпей-илем кĕртес ĕçе тата бюджета пуянлатас ĕçе пуçарулăх кăтартса хутшăннипе паллаштарĕç.
Информаци кунне хутшăнакан яваплă çынсем çавăн пекех халăха харпăр хăй ыйтăвĕсемпе те йышăнаççĕ.