26 июля 2017 г.
Уй-хирти ĕçсене пахалăхлă пурнăçласси мĕнле техникăпа усă курнинчен нумай килет.
Çакна шута илсе Чăваш Тăрăмĕнчи Валерий Смирнов фермер кăçал пĕр харăсах 3 единица техника - тĕш тырă çапса тĕшĕлекен "АГРОС -550", выльăх апачĕ хатĕрленĕ çĕрте усă куракан "ДОН-680" комбайнсем тата "КСУ-1" йышши универсаллă жатка туяннă. Çакăн чухлĕ хаклăх техникăна туянма, паллах, кивçен укçа илмесĕр вăй çитерес çуках. Мал ĕмĕтлĕ, пуласлăха шанса ĕçлекен çамрăк фермер ку чухне "Россельхозбанк" АО пулăшăвĕпе усă курнă.
- Паянхи тĕп тĕллев - уй-хирте çитĕннĕ пуянлăха çак çăмăл мар çанталăк условийĕнче те тăкаксăр пухса кĕртесси, - тет Валерий Смирнов.
С.АНАТОЛЬЕВА.
Сăнỹкерчĕкре: Валерий Смирнов фермер çĕнĕ техникăна уя илсе тухма хатĕрлекен - пускпа наладка ĕçĕсене пурнăçлакан Мускаври фирмăн Чăваш Енри представителĕсемпе пĕрле