19 июля 2017 г.
Районти ялхуçалăх предприятийĕсемпе хресчен (фермер) хуçалăхĕсенче ир те, каç та хĕрỹ ĕç шавĕ лăпланмасть.
Хуçалăхсенче хĕрсех утă хатĕрлеççĕ, сенаж хываççĕ. Выльăх-чĕрлĕхрен мĕн чухлĕ продукци туса илесси выльăх апатне мĕнле пахалăхпа хатĕрлесе хăварнинчен те нумай килет. Çакна "Рассвет" ялхуçалăх производство кооперативĕнчи кашни ĕçчен лайăх ăнланать. Хуçалăхра хальлĕхе 40 тонна утă, 1660 тонна сенаж (планпа палăртнин 142 проценчĕ) хатĕрленĕ.
Сăнỹкерчĕкре: сенажа пусăрăнтарнă çĕрте ĕçленĕ Михаил Петровпа Григорий Сергеев механизаторсем.