15 июля 2017 г.
К.В.Иванов ячĕллĕ Чăваш патшалăх академи драма театрĕ 100 çулхи юбилейĕ умĕн республикăра тĕрлĕ мероприятисем йĕркелеççĕ.
Халăх театра юраттăр, унта çỹретĕр тесе "Хыпар" хаçат та вулакансем валли викторина-конкурссем хатĕрлет. Тăван республикăпа, чăваш культурипе, йăли-йĕркипе çыхăннă ыйтусен хуравĕсене тĕрĕс хуравлакансене Шупашкара спектакль курма кайма тỹлевсĕр билет параççĕ.
Районти тĕп библиотекăри Л.Зайцева "Чи маттуррисене - билет" викторинăна хутшăнса "Туя туй пек тăвар-и?" спектакле кайма икĕ билет çĕнсе илчĕ. Ыттисен те тỹлевсĕр спектакль курас килет-и? Тархасшăн, "Хыпар" хаçата вуласа унти викторинăсене хутшăнăр.