12 июля 2017 г.
Шăллĕн шăпи паллă мар
ШĔМĕн районсем хушшини "Комсомольский" уйрăмĕн Елчĕк районĕнчи полици пайĕ 1974 çулхи апрелĕн 26-мĕшĕнче Кĕçĕн Таяпа ялĕнче çуралнă Юрий Петрович Павлова шырать.
Аппăшĕ хыпарланă тăрăх, шăллĕпе çыхăну арçын ача çуралнă хыççăнах çухалнă. Хĕрача ун чухне 3 çулта пулнă. Чирлĕ амăшĕ çăмăлланнă хыççăн ачине упрайман, çавна пула Юрий Павловăн шăпи паянхи кун та паллă мар.
Çыхăну çухалнă
Елчĕкри полици пайĕ çавăн пекех Ĕнелĕнче çуралса ỹснĕ Виктор Рафаилович Кузьмина шырать. Вăл 1959 çулхи августăн 26-мĕшĕнче кун çути курнă.
В.Кузьмин Шупашкар районĕнчи Вăрманкасси ялĕнчи Граждан урамĕнче 6-мĕш "а" çуртра пурăннă. 2004 çулта Шупашкара пурăнма тухса кайнă хыççăн тăванĕсемпе çыхăну çухалнă, çак çултанпа вĕсем унран пĕр хыпар та илмен.
Паллисем: 51-54 çулсенче, çỹллĕшĕ - 177-180 сантиметр, вăтам кĕлеткеллĕ, шуралнă çỹçне кĕскен кастарнă, тăрăхла питлĕ, кăвак куçлă, çỹхе туталлă.
Уйрăм паллисем: икĕ уринчи пỹрнисене те каснă.
Енчен те асăннă гражданинсем пирки хыпар пулсан халăха Елчĕкри полици пайне 02, 8(83549) 2-50-02, 2-54-75, 8-927-862-22-99, 8-905-197-70-97 номерсемпе шăнкăравласа пĕлтерме ыйтатпăр.
А.АЛЕКСЕЕВ,
районти полици пайĕн начальникĕ.