08 июля 2017 г.
Чăваш Ен Пуçлăхĕн 2010 çулхи йышăнăвĕпе Чăваш Республикин патшалăх наградине - "Юратупа шанчăклăхшăн" орденне çирĕплетнĕ.
Унпа 50 çул пĕрле пурăнса Раççейĕн тивĕçлĕ гражданинĕсене пăхса çитĕнтернĕ ашшĕ-амăшне чыслаççĕ. Ăна çак вăхăтчен республикăри 147 çемье тивĕçнĕ. Вăл шутран - пирĕн районти 5 çемье.
Çемье, юрату тата шанчăклăх кунĕ умĕн Республика Пуçлăхĕн 2017 çулхи утă уйăхĕн 5-мĕшĕнче кăларнă 74-мĕш указĕпе килĕшỹллĕн çемье институтне çирĕплетес енĕпе тава тивĕçлĕ ĕçсемшĕн Çĕнĕ Пăвари Алимпия Алексеевнăпа Федор Николаевич Фоминсене "Юратупа шанчăклăхшăн" орденпа наградăланă.
(Çемье, юрату тата шанчăклăх кунне районта мĕнле уявлани çинчен хаçатăн çитес номерĕнче вуласа пĕлме пулĕ).