01 июля 2017 г.
Чăваш Республикин Пуçлăхĕ Михаил Игнатьев хутшăннипе пурнăçланакан "Приложение силы" проектăн черетлĕ кăларăмне çын пурнăçĕшĕн хăтлă лару-тăру йĕркелессин ыйтăвне халалланă.
Çак ăнланăва мĕн кĕрет: чечек йăранĕсем, саксем, фонтансем е ача сачĕсемпе шкулсем, больницăсем? Енчен те вĕсем çук пулсан çыннăн кулленхи пурнăçĕ кашни утăмра палăрмаллах кăткăсланма пултарнă пулĕччĕ. Европăри хуласемпе ялсем типтерлĕ тесе калатпăр пулсан, Раççейри хуласемпе ялсем пирки мĕншĕн апла калаймастпăр?
Тавралăха тирпей-илем кỹрессипе çыхăннă çак тата ытти нумай ыйтусем "Приложение силы" телепроектăн çĕнĕ кăларăмĕнчи дискуссин тĕп теми пулса тăрĕç. Калаçăва Раççейри архитекторсен канашĕн, Пĕтĕм Раççейри халăх фрончĕн республикăри уйрăмĕн, ЧР строительство, архитектура тата пурăнмалли çурт-йĕрпе коммуналлă хуçалăх, çавăн пекех регионти строительство компанийĕн представителĕсем хутшăнаççĕ.
"Приложение силы" телепроектăн çĕнĕ кăларăмĕнче çĕкленĕ уйрăмах çивĕч ыйтусем çинчен вулакансем чи малтан "Советская Чувашия" хаçатăн ĕнерхи - июнĕн 30-мĕшĕнчи номерĕнче вуласа пĕлчĕç.
"Приложение силы" программăн премьерине эсир утă уйăхĕн 1-мĕшĕнче "Россия-24" телеканалăн регионти эфирĕнче каçхине 19 сехетре, "Россия 1" телеканалăн регионти эфирĕнче утă уйăхĕн 3-мĕшĕнче ирхине 9 сехетре курма пултаратăр.
Чăваш Ен Наци телекуравĕпе телепередачăна утă уйăхĕн 3-мĕшĕнче каçхине 20 сехет те 30 минутра кăтартаççĕ.
Чăваш Ен Мининформполитикин пресс-служби.