Публикации » Катя - призер

17 июня 2017 г.

Шупашкарти "Радуга" культурăпа курав центрĕнче Пĕтĕм Раççейри "Плывет, плывет кораблик..." конкурсăн республикăри тапхăрĕ иртрĕ. Ăна И.К.Айвазовскин 200 çулхи тата П.С.Нахимов адмиралăн 215 çулхи юбилейĕсене халалланă.

Конкурс Раççейри 5-17 çулхи ачасем хушшинче иртет. Тупăшун республикăри тапхăрне 220 ĕç тăратнă. Елчĕкри искусство шкулĕнче ăсталăхне туптакан Ксения Агеева, Карина Сивкова, Екатерина Петрянкина, Герман Мурзакаев, Екатерина Ертмакова та конкурса хутшăнма кăмăл тунă. 14-17 çулсенчи ачасем хушшинче Екатерина Ертмакова виççĕмĕш вырăн йышăннă. Вăл "Закат на море" ĕç тăратнă. Унăн ỹкерчĕкне Пĕтĕм Раççей шайĕнчи конкурса суйласа илнĕ.

Р.ПАРФЕРЬЕВА.

Сăнỹкерчĕкре: Е.Ертмакова.