07 июня 2017 г.
Питĕрти халăхсем хушшинчи экономика форумĕнче стратег пуçарăвĕсен Агентствин генеральнăй директорĕ Светлана Чупшева, наци проекчĕпе паллаштарнă май, пирĕн республика рейтинг кăтартăвĕсем тăрăх тĕлĕнмелле регион пулнине палăртнă. Чăваш Ен 85 регион хушшинчи рейтингра 6-мĕш вырăнтан иккĕмĕшне хăпарма пултарнă.
Республика Пуçлăхĕ Михаил Игнатьев хăйĕн сăмахĕнче бизнес представителĕсене тав тунă. "Эпир бизнес хутшăнăвĕсене хаклатпăр. Кашни виççĕмĕш тенкĕ - пĕчĕк тата вăтам предпринимательство укçи", - тенĕ вăл.