07 июня 2017 г.
Почтальон ĕçĕ ансатах мар. Шăрăхпа сивĕре те, çумăрпа çил-тăманра та кулленех хăнăхнă сукмака такăрлатмалла, вулакансем патне вăхăтлă çитмелле.
- Кĕçĕн Таяпари почта çыхăну уйрăмĕнче паянхи кун 2 почтальон - Галина Головина тата Елена Владимирова тăрăшаççĕ. Виççĕмĕшĕ - 34 çул почтальонкăра ĕçленĕ Елена Шпилева кăçал тивĕçлĕ канăва тухрĕ, - тет почта çыхăну уйрăмĕн ертỹçи Надежда Семенова. Ку тăрăхра "Елчĕк ен" хаçата юратса вуланине хыпарлать вăл.
- Сăмахран, çулсеренех чылай издани çырăнакан Кĕçĕн Таяпа ялĕнчи Геннадий Изосимов хаçат килнĕ кун почта çыхăну уйрăмне ирех çитсе тăрать. Хаçат-журнал йышлă çырăнакансен хушшинче вĕрентекенсем те нумай. Вĕсенчен пĕри - Алевтина Иванова.