07 июня 2017 г.
Аслă Таяпари почта çыхăну уйрăмĕнче тăрăшакансем паянхи кун Аслă Таяпа, Чăваш Тăрăм, Шуршу ялĕсенче пурăнакансене хаçат-журналпа тивĕçтерсе тăраççĕ.
Ольга Маркова, Ирина Корнилова, Надежда Галкина, Елена Смирнова почтальонкăсем асăннă ялсенчи куллен кĕтнĕ çынсем. "Елчĕк ен" хаçата паянхи кун 3 ялти 157 çемье илсе тăрать.
- Тавах почтальонсене, пире хаçат-журнал, унпа пĕрле кашни уйăхрах пенси укçине вăхăтлă парса тăнăшăн. Куллен кирлĕ таварсемпе те тивĕçтереççĕ. Халăхпа ырă та тарават вĕсем, - теççĕ кунти ватăсем почтальонсем пирки сăмах пуçарсан.
Почта çыхăну уйрăмĕн начальникĕ Людмила Петровна Королева та ĕçченсемпе кăмăллă.
Е.ГЕННАДЬЕВА.