03 июня 2017 г.
Çуллахи каникул вăхăтĕнче ачасене хăрушсăрлăхпа тивĕçтересси çине уйрăмах пысăк тимлĕх уйăрмалла.
Вĕсене çул-йĕр çинче, шывра, выляв площадкисенче тата ытти вырăнта асăрхануллă та сыхлануллă пулма вĕрентесси пирĕн, аслисен, тĕп тивĕçĕ. Çавăнпа та чи малтанах ачасене çул-йĕрĕн ансат правилисене аса илтерер. Правилăсене ăнлантарнă чух сăмахсене тĕслĕхсемпе çирĕплетни кĕçĕннисен асĕнче вăрахлăха юлĕ.
Çулла - шыва кĕрсе савăнмалли вăхăт. Çапах та шыв савăнăç анчах парнелетĕр тесен, шыва кĕнĕ чух ятарлă йĕркесене пăхăнар, вĕсемпе ачасене те çирĕп паллаштарар. Аслисем кĕçĕннисене пĕр самант тимлĕхсĕр хăварма тата шыв хĕррине хăйсене анчах яма юраманнине асра тытар.
Урамра хăйсене асăрхануллă тытмалли, палламан çынсемпе калаçма асăрханмалли, ют автомашинăсене ларасран пăрăнмалли, килте электроприборсемпе тĕрĕс усă курмалли, çурта ют çынна кĕртме юраманни пирки те час-часах асăрхаттарса тăрар.
Юлашки вăхăтра ачасем уçăлакан чỹречесенчен ỹксе вилнĕ е аманнă тĕслĕхсем йышланнине шута илсе чỹречесене ятарлă çăрасемпе питĕрме те манар мар. Сыхлануллă пулни инкекрен упрать.
Л.ЕГОРОВА,
ШĔМĕн районсем хушшинчи "Комсомольский" уйрăмĕн Елчĕкри полици пайĕн çул çитменнисемпе ĕçлекен подразделенийĕн инспекторĕ.