03 июня 2017 г.
Елчĕк район прокуратури ШĔМĕн муниципалитетсем хушшинчи "Комсомольский" уйрăмĕн Елчĕкри полици пайĕпе пĕрле преступлени тунине тата право йĕркисене пăснине профилактика тăвас ыйтупа семинар ирттернĕ.
Унта район прокурорĕ В.Николаев, прокурор çумĕ П.Кокорев, Елчĕкри полици пайĕн начальникĕ А.Алексеев тата унăн çумĕ А.Карабурнашев, районти ял тăрăхĕсен пуçлăхĕсемпе вĕсен çумĕсем хутшăннă.
Семинарта пухăннисене преступленисем тунине тата право йĕркине пăснине, çав шутра эрех ĕçсе, обществăлла вырăнсенче преступлени çулĕ çине тăрассине, çемьепе кил-çуртра пуçтахланнине профилактика тăвас ĕçре вырăнти хăйтытăмлăх органĕсен умĕнче вăйра тăракан саккунсемпе тĕп требованисене ăнлантарса панă.
Çавăн пекех терроризма, наркомание, экстремизма хирĕç кĕрешессинче вырăнти хăйтытăмлăх органĕсем профилактика тăвас, вĕсем шалти ĕçсен пайĕсен органĕсемпе тачă çыхăнса ĕçлес ыйтусене хускатнă. Семинарта вырăнти хăйтытăмлăх органĕсен асăннă ĕçри çитменлĕхĕсене тишкерсе тухнă.
Семинарта кăсăклантаракан ыйтусем çине хуравсем, вырăнти хăйтытăмлăх органĕсем профилактика ĕçĕсене пурнăçланă чухне кирлĕ сĕнỹсем панă.