27 мая 2017 г.
Россельхозцентрăн Чăваш Республикинчи управленийĕн специалисчĕсем фитосанитари тĕрĕслевĕ ирттернĕ май пĕрчĕллĕ тата пăрçа йышши культурăсем хурт-кăпшанкăпа (хлебные блошки) сиенленнин тĕслĕхĕсене тупса палăртнă.
Çурхи культурăсене кăçал каярах юлса акнине, ун хыççăн та çанталăк сивĕ тăнине пула кирлĕ пек ỹссе çитĕнеймен çемçе çулçăллă калчасем çине, çанталăк ăшăтса пынă май, хурт-кăпшанкă тапăнас хăрушлăх пысăк. Россельхозцентр специалисчĕсем çак вăхăтра республикăн кăнтăр районĕсенчи ялхуçалăх предприятийĕсемпе хресчен (фермер) хуçалăхĕсене уйрăмах асăрхануллă пулма ыйтаççĕ.