27 мая 2017 г.
Хĕç-пăшала тата çар хатĕрĕсене саккунсăр майпа упракансене тата тирпейсĕр тытакансене пуçран шăлмаççĕ. Раççей Федерацийĕн Уголовнăй кодексĕн 222 тата 224 статйисемпе килĕшỹллĕн 3 çул тата 1 çул таран ирĕклĕх прависĕр хăвараççĕ.
Официаллă майпа регистрацилемен хĕç-пăшалпа усă курнă е преступлени çулĕ çине тăнă тĕслĕхсенчен асăрхаттарса йĕрке хуралĕн ĕçченĕсем граждансене саккунсăр майпа упранакан хĕç-пăшала, сирпĕтекен хатĕрсене хăйсен ирĕкĕпе полици пайне килсе пама ыйтаççĕ. Çапла тусан вĕсем административлă е уголовнăй айăплавран хăтăлĕç, ятарлă хавхалантару тỹлевне тивĕçĕç. Хĕç-пăшалăн пĕр единицишĕн тивекен хавхалантару укçа виçи - 1500-4500 тенкĕпе, сирпĕтекен хатĕрĕн пĕр единици 2000 тенкĕпе танлашать. Сăмах май, Елчĕк район администрацийĕн пуçлăхĕн 2013 çулхи раштав уйăхĕн 30-мĕшĕнчи 880-мĕш Йышăнăвĕпе килĕшỹллĕн, районта 2014-2020 çулсене "Хăрушлăхсăр муниципалитет пĕрлешĕвĕ" программа йышăннă. Çак программăпа килĕшỹллĕн, граждансене хĕç-пăшала хăйсен ирĕкĕпе полици пайне килсе пама хистекен мероприятисене йĕркелеме кăçал район бюджетĕнчен укçа уйăрнă.
Хĕç-пăшала тата боеприпассене саккунсăр майпа упракансем пирки информаци пулсан тỹрех районти полици пайне 2-50-02, 02 номерсемпе шăнкăравласа пĕлтерме ыйтатпăр.
В.МЕКШЕЕВ,
ШĔМĕн муниципалитетсем хушшинчи "Комсомольский" уйрăмĕн Елчĕкри полици пайĕн полицин участоксенчи уполномоченнăйĕсемпе тата çул çитменнисемпе ĕçлекен инспекторĕсен подразделенийĕн ертỹçи.