Публикации » Çĕршыва сыхлаççĕ

27 мая 2017 г.

Раççей Федерацийĕ 16 çĕршывпа чикĕленекен пĕртен-пĕр патшалăх.

Çавна май хăйĕн территорине тата граждансене хăрушсăрлăхпа тивĕçтерес енĕпе çĕршывăн уйрăмах тимлĕ пулмалла. Талăкĕпех пĕр самант та асăрханулăха çухатмасăр Раççее сыхлакансем - пограничниксем. Раççей Федерацийĕн Президенчĕн 1994 çулхи Указĕпе килĕшỹллĕн пограничник кунне çулсерен çу уйăхĕн 28-мĕшĕнче паллă тăваççĕ. Уява йĕркеленин тĕп тĕллевĕ - чикĕ çарĕсен мăнаçлăхне ỹстересси, чикĕре тăракан салтака чысласси, çамрăк ăрăва тивĕçлĕ воспитани парасси. Çак кун çĕршывăн тĕрлĕ кĕтесĕнче чикĕ çарĕсенче салтак тивĕçне пурнăçланă е паянхи кун хĕсметре тăракан пограничниксене халалласа тĕрлĕ мероприяти йĕркелеççĕ.