24 мая 2017 г.
Федерацин 1998 çулхи утă уйăхĕн 25-мĕшĕнчи 128 номерлĕ "Раççей Федерацийĕнче патшалăх дактилоскопи регистрацине тăрасси çинчен" саккунпа килĕшỹллĕн, Раççей Федерацийĕн гражданĕсем хăйсен ирĕкĕпе дактилоскопи (çынна унăн пỹрнисен йĕрĕсенчен тĕпчесе палăртмалли меслет) регистрацине тăма пулараççĕ.
Федерацин маларах асăннă саккунĕпе килĕшỹллĕн, Раççей Федерацийĕн гражданĕсен хăйсен ирĕкĕпе патшалăх дактилоскопи регистрацийĕ витĕр тухма ирĕк пур. Дактилоскопи информацийĕпе çухалнă гражданина шыранă чух, катастрофăна е ытти тĕрлĕ инкеке пула вилнĕ çын кам пулнине палăртассинче йывăрлăх сиксе тухсан, сывлăх тĕлĕшĕнчен чирлĕ пулнипе е ватăлнипе ăнĕ пĕтнĕ çын хăй кам пулнине пĕлтереймен чух, преступление уçса парас ĕçре усă кураççĕ.
Дактилоскопи регистрацийĕ витĕр тухас тесен Патшалăх пулăшăвĕсен пĕрлехи порталĕ урлă регистрациленсе Елчĕкри полици пайĕн миграци пунктне электронлă майпа заявлени тăратма ыйтатпăр. Ун хыççăн гражданинăн асăннă пункта (вăл халăха ытларикунран пуçласа шăматкунччен 9-15 сехетсенче йышăнать, апат вăхăчĕ 13 сехетрен пуçласа 13 сехет те 45 минутчен) паспортпа пĕр хут анчах пымалла. Паспорт илсе ĕлкĕрейменнисен çумра çуралнине ĕнентерекен свидетельство пулмалла.
А.СОСНОВА.