17 мая 2017 г.
Аслă Пăла Тимешĕнчи «Победа» хуçалăх унчченхи мухтавлă колхоз ялавне тепĕр хут çÿле çĕклерĕ. Çакна вăл Аслă Çĕнтерÿ кунĕ тĕлне пĕрчĕллĕ тата пăрçа йышши культурăсене акассине районта чи малтан вĕçлени те çирĕплетет.
Ял хастарĕсем те пултаруллă. Вĕсем май уйăхĕн 20-мĕшĕнче ял уявне йĕркелеме калаçса татăлнă. Ăна ирттерсе ярас тĕлĕшпе оргкомитет та туса хунă. Унăн членĕ Иван Михайловский каланă тăрăх, ял уявĕ кăнтăрла иртсен мини-футбол турнирĕпе пуçланать. Каçхине 18 сехетрен вара халăх вăййисем иртеççĕ, ялтан тухнă паллă çынсене чыслаççĕ. Малалла чăваш эстрада çăлтăрĕсем сцена çине тухаççĕ. Ял уявĕ ташă каçĕпе, уяв салючĕпе вĕçленет.