Публикации » «Вилĕмсĕр кĕнеке полкĕ»

06 мая 2017 г.

Майăн 3-10-мĕшĕсенче республикăра Аслă Çĕнтерÿ тунăранпа 72 çул çитнине халалласа «Асăну çурти» патриот акцийĕ иртет.

Акцин «Эпĕ вăрçă çинчен вулатăп тата аттесемпе асаттесен паттăрлăхне асра тытатăп» вунăкунлăхĕнче вăрçă çинчен çырнă 72 кĕнекен списокне тăратнă. Вĕсене ачасем сасăпа вулассине те йĕркеленĕ. Çавăн пекех республикăри «Вилĕмсĕр кĕнеке полкĕ» çамрăксен  флешмобне Елчĕкри тĕп библиотекăри ачасен уйрăмĕнчи вулакансем те хутшăннă. Вĕсем кĕнекесене йăтса Елчĕкри  Совет Союзĕн Геройĕ А.Ф.Беляев ячĕпе хисепленекен урампа утса вăрçăра вилнисене асăнса лартнă палăксем патĕнче пуç тайнă. Ĕнер вара республикăри мĕнпур  ача-пăча библиотекинче асăну çурти çутнă.