29 апреля 2017 г.
Чăваш Республикин Патшалăх символĕсен 25 çулхи юбилейĕ умĕн Чăваш патшалăх ÿнер музейĕнче «Ĕмĕрлĕх паллисем» ятпа курав йĕркеленĕ.
Ăна уçма Чăваш Республикин Патшалăх Канашĕн Председателĕ Валерий Филимонов, Раççей Федерацийĕн Президенчĕ çумĕнчи Геральдика канашĕн яваплă секретарĕ Глеб Калашников, ЧР вĕрентÿ тата çамрăксен политикин министрĕ Юрий Исаев, Культура, национальноçсен ĕçĕсен тата архив ĕçĕн министрĕн тивĕçĕсене пурнăçлакан Вячеслав Оринов, Атнер Хузангай публицист, Элли Юрьевăн мăшăрĕ Галина Юрьева тата ыттисем те хутшăннă.
Валерий Филимонов курава пынисене саламланă май Патшалăх символĕсем чăваш халăхĕн тĕп пуянлăхĕ пулнине палăртнă.
Курава хутшăннă Глеб Калашников Елчĕк районĕнчи ял тăрăхĕсен пуçлăхĕсене РФ Президенчĕ çумĕнчи Геральдика канашĕн свидетельствисене - РФ Патшалăх геральдика регистрĕнче гербпа ялава регистрациленине ĕнентерекен документсене панă.