26 апреля 2017 г.
Ака уйăхĕн 24-мĕшĕнче Мускавра Раççей Федерацийĕн Ют çĕршыв ĕçĕсен министерствинче Чăваш Республикин презентацийĕ иртнĕ.
Мероприятие уçнă май Раççей Федерацийĕн ют çĕршыв ĕçĕсен министрĕ Сергей Лавров Чăваш Республики Раççейре чи ăнăçлă аталанакан регионсенчен пĕри пулнине палăртнă. Промышленность производствин ÿсĕмĕн пĕлтĕрхи кăтартăвĕсем çĕршывра чи лайăххисен шутĕнче. Тĕп отрасльсем - хими, электротехника индустрийĕ, машиностроени ăнăçлă аталанаççĕ, вĕсем пирки тĕнчипех пĕлеççĕ. Ялхуçалăхĕпе çăмăл промышленность пĕлтерĕшĕ те пысăк, социаллă сфера, çав шутран сывлăх сыхлавĕпе туризм кал-кал аталанаççĕ. Аслă вĕренÿ учрежденийĕсем пысăк пĕлÿллĕ кадрсене хатĕрленипе палăрнă. Транспорт инфратытăмне илес пулсан, пĕтĕм тĕнчери аэропорт, федераци пĕлтерĕшлĕ трассăсем, чукун çул сечĕ, юханшыв карапĕсен çулĕсем лайăх аталаннине асăнмалла. Ют çĕршывсен хушшинчи çыхăнусем те çирĕпленсех пыраççĕ. НППП, Евросоюз, Хĕвел тухăç, Африка, Китай, Латинла Америка, Германи, Япони тата ытти çĕршыв компанийĕсемпе тачă çыхăнса ĕçлесси вăй илнĕ.
Сергей Лавров Чăваш Ен наукăра, искусствăра, спортра чапа тухнă çынсенчен пуян пулнине те асăннă: В.И.Чапаев начдив, карап ăсти А.Н.Крылов, А.Г. Николаев тата Н.М.Бударин космонавтсем тата ытти те. Министр Республика Пуçлăхне тата Чăваш Енре пурăнакансене ăнăçупа ырăлăх суннă.