22 апреля 2017 г.
Апрелĕн 19-21-мĕшĕсенче Раççей Федерацийĕнче çурхи ейÿ тапхăрне ирттерсе ярас тата çутçанталăк пушарĕсене хирĕç кĕрешес енĕпе инкек-синкеке асăрхаттарассипе, сирсе ярассипе Пĕрлехи патшалăх тытăмĕн командăпа штаб вĕренĕвĕ иртнĕ.
Малтанхи кун халăха хăрушлăх пирки пĕлтернĕ, инкек-синкеке пĕтерес енĕпе ĕçлекен районти комиссин ларăвне ирттернĕ, район администрацийĕн «Сыхлăха ÿстерер» йышăнăвне йышăннă.
Ытти кунсенче çурхи ейÿ тапхăрĕнче ялсене шыв илессине тата çутçанталăк пушарĕсене хирĕç кĕрешекен техника хатĕрĕсене, вăйсене тĕрĕсленĕ. Çакнашкал вĕренÿ подразделенисене, службăсене тачă çыхăнса ĕçлеме, çынсене пулăшассипе тата çăлассипе çĕнĕ технологисене пурнăçа кĕртме май парать.