22 апреля 2017 г.
Чăваш Наци библиотекин «Провинцири тĕлпулу - литература çулçÿревĕ» проекчĕпе килĕшÿллĕн Ангелина Павловская, Зоя Полякова тата православи журналĕн редакторĕ, филологи наукисен кандидачĕ Вера Савельева çыравçăсем Наци библиотекин пай пуçлăхĕ Галина Соловьева ертсе пынипе Курнавăшри вулавăшри тата районти тĕп библиотекăри вулакансемпе тĕлпулу ирттернĕ.
Хăнасене район администрацийĕн пуçлăхĕ Николай Миллин, Анатолий Емельянов протоиерей, район администрацийĕн культура тата информаципе тивĕçтерекен пай пуçлăхĕ Антонина Александрова саламланă.
Писательсем пухăннисене хăйсен кĕнекисемпе, малашнехи тĕллевĕсемпе паллаштарнă. Вулакансем юратнă авторсемпе тĕл пулса калаçма, автограф илме, хăйсене кăсăклантаракан ыйтусен тупсăмне тупма пултарнăшăн хĕпĕртенĕ.