15 апреля 2017 г.
Чăваш Республикин Пуçлăхĕ Михаил Игнатьев Мăнкунпа çыхăннă мероприятисен тапхăрĕнче йĕркелĕхе тата общество хăрушсăрлăхне тивĕçтермеллине асăрхаттарса канашлу ирттерни ахальтен мар.
Православи тĕнне ĕненекенсем Мăнкун кĕллисене кашни çулах йышлăн хутшăнаççĕ. «Чиркĕве нумайăшĕ ачисемпе мăнукĕсене те илсе пырать. Пирĕн тĕллев - йĕркелĕхпе тивĕçтересси, уяв мероприятийĕсене тивĕçлĕ шайра иртересси», - тенĕ вăл. Михаил Игнатьев вырăнти хăй тытăмлăх органĕсене Турра ĕненекенсем валли хăтлă условисем йĕркелемелли пирки тата уяв мероприятийĕсем йĕркелекен вырăнсенче хăрушсăрлăха çирĕплетмелли мерăсем йышăнма хушса каланă. Мĕншĕн тесен çĕршыври, тĕнчери лару-тăру та çав тери кăткăс, провокацисем чылай пулаççĕ. Республика Пуçлăхĕ çакна шута илсе чиркÿсене кĕнĕ çĕрте çирĕп тĕрĕслев пуласси çинчен халăха ăнлантарса пама, çак вăхăтра пысăк черетсем пуласран çынсене чиркĕве маларах пыма ыйтать.
Ака уйăхĕн 15-мĕшĕнче çĕрле республикăри мĕнпур чиркÿре кĕлĕсем иртнĕ май хуласенчи пысăк чиркÿсен алăкĕсем патне металл шыракан хатĕрсем вырнаçтарма йышăннă. Шупашкар - Чăваш Ен Епархийĕн канцелярийĕн ертÿçи Сергей Пушков та: «Турра ĕненекенсене, чиркĕве пыракансене право хуралĕн тытăмĕсемпе ытти ведомство хăрушсăрлăх мерисене вăйлатнине ăнланса йышăнма ыйтатăп», - тенĕ.
Пирĕн районта чиркÿсен алăкĕсем патне металл хатĕрлекен хатĕрсем вырнаçтармасан та асăрхануллă пулма ыйтатпăр.