15 апреля 2017 г.
2017 çултан пуçласа аграрисене патшалăхран субсиди парса пулăшакан мелсене пĕрлештернĕ.
Халĕ субсидисен 54 тĕсĕнчен 7-шне çеç хăварнă. Федерацин яллă территорийĕсене аталантарассипе тата ялхуçалăх пĕлтерĕшлĕ çĕрсене мелиорацилессипе çыхăннă тĕллевлĕ программăсене уйрăм пая кĕртнĕ.
2017 çулта «пĕрлехи субсиди» /кĕске вăхăтлăх кредит проценчĕн пĕр пайне саплаштарма, ăратлă выльăхшăн, паха вăрлăхшăн, пĕчĕк хуçалăхсене пулăшма/ субсиди шайĕнче Чăваш Ене федераци бюджетĕнчен 727,91 миллион тенкĕ уйăрса панă. Çакă, иртнĕ çулхипе танлаштарсан, 31 процент нумайрах.
Ял территорийĕсене аталантарассипе çыхăннă программăна пурнăçлама республикăна 69 306,1 пин тенкĕ уйăрнă.