15 апреля 2017 г.
Мускаври пĕртăван Знаменскисем ячĕллĕ Олимп центрĕнче Аттелĕхĕн Аслă вăрçинче çĕнтернĕренпе 72 çул çитнине халалланă Пĕтĕм Раççейри тăваттăмĕш «Смотр строя и песни. Марш Победителям!» конкурс иртнĕ.
Пĕтĕм Раççейри конкурсра Чăваш Республикин чысне виçĕ команда хÿтĕленĕ: Вăрнар районĕнчи М.П.Григорьев генерал ячĕллĕ Калинин шкулĕнчи «Искра» /ертÿçи - Л.Н.Ефимов/, Муркаш районĕнчи Муркаш шкулĕнчи «Патриоты тыла» /ертÿçи -С.И.Рожкова/ тата Хĕрлĕ Чутай районĕнчи Хĕрлĕ Чутай шкулĕнчи «Авангард» /ертÿçи - Э.В.Романов/.
Стройпа утас, теори тата практика тапхăрĕсене пĕтĕмлетнĕ май Чăваш Республикинчи кадетсем 27 команда хушшинче пĕрремĕш вырăна çĕнсе илнĕ.
Чăваш Ен Пуçлăхĕ Михаил Игнатьев кадетсене çĕнтерÿпе саламланă.
Чăваш кадечĕсене ăмăртусенче Раççей Президенчĕ çумĕнчи Чăваш Республикин полномочиллĕ представителĕ Юрий Акиньшин, офицерсен «Сыны Отечества» юлташлăх членĕсем, Мускавра тата Мускав облаçĕнче пурăнакан ентешсем хавхалантарса тăнă.