08 апреля 2017 г.
Укçа-тенке мала хурса теприне пурнăçшăн пысăк хăрушлăх кăларса тăратакан суррогат хатĕрĕ сутакансем тĕл пулсах тăраççĕ пирĕн хушăмăрта.
47 çулхи Альбина Краснова Раççей Федерацийĕн Уголовнăй кодексĕн 238 статйипе айăпланнă. Вăл 2016 çулхи раштав уйăхĕн 8-мĕшĕнче пĕр ялта пурăнакан çынна икĕ хутчен çур литрне 200 тенкĕпе суррогатлă алкоголь шĕвекĕ /пĕр литр/ сутнă. Йĕрке хуралĕн ĕçченĕсем Альбина Краснова килĕнче тĕрĕслев ирттернĕ май çакăн евĕр шĕвек тата та упраннине тупса палăртнă. Экспертиза асăннă спирт шĕвекĕнче пурнăçшăн тата сывлăхшăн хăрушă хутăшсем пуррине палăртнă. А.Краснова ĕçне судра пăхса тухнă, хĕрарăма тĕп ĕçрен пушансан 160 сехет тÿлевсĕр ĕçлеттерме йышăннă. Приговор саккунлă вăя кĕмен-ха.
В.НИКОЛАЕВ,
Елчĕк район прокурорĕ, юстици советникĕ.