08 апреля 2017 г.
Роспотребнадзор управленийĕн Патăрьел территори пайĕн специалисчĕсем водительсене автомашина кантăкĕсене çума усă куракан шĕвексене туяннă чухне тимлĕрех пулма сĕнеççĕ.
Изоприл спирчĕ сăмсана çуракан шăршлă ацетона аса илтерет, çавах наркăмăшлăхĕ пысăках мар. Метил спирчĕн шăрши вăйлах мар. Йÿнĕ те вăл. Кĕленчесене лайăх тасатать. Çавах наркăмăшлăхĕ пысăк. Нерв системине хавшатма пултарать. Куç кураслăха витĕм кÿрет, сывлав органĕсене сиенлет. Вăл организма лексен пуçа çавăрать, чĕрене хĕстерет. 30 грамм метанолпа çын вилме те пултарать.
Кантăк тасатмалли шĕвексене ятарлă суту-илÿ лавккисенчен çеç туянмалла. Унпа мĕнле усă курмаллине тĕплĕн паллашмалла.