01 апреля 2017 г.
«Канашский» ăратлă чăх-чĕп завочĕ» акционерсен обществин Елчĕкри уйрăмĕнче кайăк-кĕшĕке ерме пултаракан тĕрлĕ чир-чĕртен асăрханса хупă режимпа ĕçлесси тахçанах йăлана кĕнĕ.
Юлашки вăхăтра пиртен те аякра мар - Мускав облаçĕнче кайăк-кĕшĕк грипне тупса палăртнă хыççăн, пушшех, чире хирĕç тăмалли йĕркесене çирĕп пăхăнса ĕçлеме кирлине ăнланаççĕ çак çирĕп те туслă коллективра. Кайăк-кĕшĕк грипĕпе ытларах куçса çÿрекен вĕçенкайăксем чирленине, çуркунне çывхарнă май вĕсем ферма территорийĕ çийĕн ушкăнĕпе вĕçсе иртме пултарнине асра тытса хур-кăвакалсене хупса усрамалли майсене туса парассипе тимлеççĕ. Тĕрлĕ вĕçенкайăк витесене вĕçсе кĕресрен асăрханса алăксене сеткăпа карнă, вĕсене паракан апата та шыв кĕмен савăтсенче хупласа усраççĕ. Ферма территорине дезбарьерсем вырнаçтарнă.
С.АНАТОЛЬЕВА.
Пĕр улшăнмасăр 22 çул хур-кăвакал пăхнă çĕрте вăй хуракан Лариса Убасева.