Публикации » Пухмач кунсерен тулать

01 апреля 2017 г.

«Ачалăх ячĕпе, ачалăхшăн» ятпа иртекен 2017 çулхи ыркăмăллăх марафонĕн пухмачĕ тулсах пырать - хальхи вăхăтра унта 2 миллион тенкĕ укçа пуçтарăннă. Ку енĕпе чи хастар ĕçлекен муниципалитетсем Вăрнар, Патăрьел тата Елчĕк районĕсем шутланаççĕ.

Аса илтеретпĕр, кăçал марафонăн йĕркелÿ комитетне Чăваш Республикин Пуçлăхĕ Михаил Игнатьев ертсе пырать.

2016 çулта марафона 1600 предприятипе организаци хутшăннă, пухмача вĕсем пурĕ 8 миллион тенкĕ укçа хывнă. Ку чухне уйрăмах Чăваш Республикин Патшалăх Канашĕн депутачĕсем, предпринимательсемпе республикăра пурăнакан ытти çынсем те хастар пулнине палăртмалла. Республика Пуçлăхĕ, патшалăх тата муниципалитет граждан служащийĕсем те кашни çул хăйсен ĕç укçин пĕр пайне марафонăн шучĕ çине куçараççĕ. 

Чăваш Республикинче «Ачалăх ячĕпе, ачалăхшăн» марафон кăçалхипе шутласан 21-мĕш хут иртет. Юлашки 4 çул хушшинче пухăннă 33 миллион ытла укçа-тенке ыркăмăллăх тĕллевĕпе - тăлăх ачасене, йышлă, сусăр ачаллă çемьесене, ача çурчĕсене пулăшма, чирлисене сиплеме, пултаруллă ачасен коллективĕсене хавхалантарма уйăрнă.

Ыркăмăллăх акцине кашни çын хутшăнма пултарать! Кăмăл тăвакансен «Раççейри ача-пăча фончĕ» обществăлла организацин Чăваш Енри уйрăмне пымалла. Унăн адресĕ: Шупашкар хули, Петров урамĕ, 7-мĕш çурт. Ыйтса пĕлмелли телефон: ?8352/ 62-89-42

Марафон счетне çапла çырмалла: ЧРО ООБФ «Российский детский фонд»

ИНН 2128005408, КПП 213001001

Расчетный счет № 40703810075220160067

в отделении № 8613 Сбербанка России г.Чебоксары,

БИК 049706609, к/с 30101810300000000609.