01 апреля 2017 г.
2017 çулхи нарăс уйăхĕн 1-мĕшĕнчен пуçласа федерацин Инçет Хĕвелтухăçĕнчи округĕнче çĕр лаптăкĕсене тÿлевсĕр уйăрса парассипе ятарлă программа пурнăçа кĕрет.
Малтанхи вăхăтра кунти çĕр лаптăкĕсемпе хăш-пĕр облаçри тата вырăнти çынсем анчах усă курма пултарнă пулсан, халĕ Раççейри тĕрлĕ кĕтесре пурăнакансем те 1 гектар таран /100 сотăй/ тÿлевсĕр çĕр илме пултараççĕ.
Ыйтса çырма Инçет Хĕвелтухăçне каймалла мар. Документсене Кадастр палати, нумай функциллĕ центр /МФЦ/, интернет урлă тăратма пулать.
1. Интернет урлă тăратас тесен Инçет Хĕвелтухăç сайтне кĕмелле. Ăна валли Патшалăх пулăшăвĕсен пĕрлехи порталĕнче регистрациленни кирлĕ.
2.Кадастр карттинче хăвăр валли çĕр лаптăкĕ суйласа илмелле. «Надальнийвосток.рф» сайтра «карта» текен уйрăм тупмалла, пулас çĕр лаптăкĕн чиккисене йĕркелемелле.
3.Заявлени çырмалла, унпа пĕрлех хăвăр паспорта сканерлани кирлĕ.
Сирĕн заявкăна ырласа йышăнсан интернет урлă килĕшÿ докуменчĕсене ярса параççĕ. Çак ĕçе 30 кунра вĕçлемелле. Енчен те сирĕн ыйтăвăра тивĕçтермесен, сăмахран, лаптăка урăххи йышăннă пулсан, темиçе хутчен те заявка тăратма май пур. Мĕншĕн тесен программа 2034 çулта анчах вĕçленет. Интернет урлă мар пулсан, документсене нумай функциллĕ центрта /МФЦ/ йышăнаççĕ.