29 марта 2017 г.
Вăрă хăйне кирлине илет пулсан, пушар йăлтах кĕле çавăрать.
Кăçал паянхи кун тĕлне районта 7 /иртнĕ çулхи çак тапхăрта - 1/ пушар тухнине регистрациленĕ. «Хĕрлĕ автан» кÿнĕ тăкак 350 пин /2016 çулта - 40 пин/ тенкĕпе танлашнă. Пушар вăхăтĕнче 2 çын вилнĕ, 2 çын аманнă. Инкексен тĕп сăлтавĕ - ăшăтакан хатĕрсемпе, электроприборсемпе усă курнă, кăмакасене хутнă чухне пушар хăрушсăрлăх йĕркисене пăхăнманнинче.
Çурхи кунсем çитнĕ май тавралăха тирпей-илем кĕртме пуçăнатпăр. Çÿп-çапа çилсĕр çанталăкра çуртран 50 метр аякра çунтармаллине асра тытар.
С.САРДАЕВ.