25 марта 2017 г.
Вăрçă ветеранĕ – район тантăшĕ
Аслă Таяпари Аттелĕхĕн Аслă вăрçин ветеранĕ Василий Алексеевич Сядуков 90 çул тултарнă.
Ăна юбилей ячĕпе Аслă Таяпа ял тăрăхĕн пуçлăхĕ В.Сапожникова, район администрацийĕн пуçлăхĕн çумĕ Г.Анисимова, халăхăн социаллă хÿтлĕх пайĕн начальникĕ И.Аникина, районти Депутатсен пухăвĕн депутачĕсен ячĕпе Вячеслав ывăлĕ тата тăванĕсем саламланă, Раççей Президенчĕн салам открыткине вуласа панă.
Василий Алексеевичпа Елена Степановна тăватă ывăл çуратса ÿстернĕ. Хальхи вăхăтра ветерансем Алексей ывăлĕн çемйипе пурăнаççĕ. Кăçал вĕсем çемье çавăрни 65 çул çитнине паллă тăваççĕ.
Çĕнтерÿçĕ паллă
Район шайĕнчи «Чи лайăх класс ертÿçи» конкурс хыçа юлнă.
Финала пиллĕкĕн тухнă. Лауреатсен йышĕнче - Т.Быкова /Çĕнĕ Пăва/, А.Михеева /Аслă Пăла Тимеш/, Г.Дмитриев /Курнавăш/, О.Кузьмина /Елчĕк/. Мĕнпур тупăшусенче чи пысăк балл пухнă Л.Пешенькова /Кушкă/ çĕнтерÿçĕ пулса тăнă. Хальхи вăхăтра Людмила Степановна республикăри конкурсăн виççĕмĕш тапхăрĕнче тупăшать.