25 марта 2017 г.
Районта çулсерен «Театр тĕнчинче» фестиваль иртет.
Ытти çулсенчи пекех, кăçал та чи лайăх коллективсем хăйсен пултарулăхне районти сцена çинче кăтартаççĕ. Тунтикун, пуш уйăхĕн 27-мĕшĕнче, районти культура çуртĕнче чи-чи пултаруллисен ĕçĕпе паллашма май пур.
Районти культура учрежденийĕсенче ачасен, çамрăксен, аслă ăру çыннисен 40 драма кружокĕ ĕçлет. Тăрăмри, Лаш Таяпари, Вăрăмхăвари драма коллективĕсем куракансен умĕнче ырă ят çĕнсе илнĕ. Елчĕкри халăх театрĕ те çулсерен çĕнĕ спектакль лартма тăрăшать. Хальхинче «Пĕрисем – уя, теприсем – туя» мыскара кăтартатпăр. Рольсенче Н.Федорова, В.Архипов, В.Кушманов, С.Баранов, Т.Ишмуратова тата эпĕ вылятпăр. Театр кунне халалланă уяв 11 сехетре пуçланать. Юлашкинчен ялти артистсен ăсталăхне Чăваш Республикин тава тивĕçлĕ артисчĕ Владимир Григорьев хаклать, драма кружокĕсене çÿрекенсемпе мастер-класс ирттерет.
В.ПАНКРАТОВА,
Елчĕкри халăх театрĕн режиссерĕ.