18 марта 2017 г.
Пурнăç шăпи çăмăлах килмен - куç курман çынсене пĕрлештерес, вĕсене пĕр-пĕринпе тĕл пулса калаçма майсем туса парас тĕллевпе районти тĕп библиотека никĕсĕ çинче темиçе çул каяллах «Шурă туя» клуб йĕркеленнĕ.
Библиотекарьсем хăйсен ĕçне çак вăхăтченех тивĕçлипе пурнăçласа пыраççĕ. Çак кунсенче кунта ĕçе татăклăн пĕтĕмлетекен конференци пулса иртнĕ. Куç курманнисен обществин Чăваш Республикинчи уйрăмĕн председателĕ Ю.Сергеев ертсе пынипе иртнĕ конференцие Комсомольски тата Елчĕк районĕсенчи йывăр шăпапа тĕл пулнă çынсем хутшăннă. Икĕ районти куç курманнисене пĕрлештерсе тăракан вырăнти уйрăмĕн председателĕ Г.Михайлов отчетлă докладпа тухса калаçнă.
Конференцире куç курманнисене хумхантаракан нумай ыйтăва сÿтсе явнă.