18 марта 2017 г.
«Чувашия» ПТРК, Чăваш Ен наци телевиденийĕн эфирĕсенче Чăваш Республикин Пуçлăхĕ Михаил Игнатьев хутшăнакан «Вăй хуни» ятпа çĕнĕ проект ĕçе кĕрет.
Унти тĕп сăмах республикăра пурăнакан çынсен интересĕсене малти вырăна хурас тĕллевпе общество тата патшалăх вăйĕсене пĕрлештересси пирки пулĕ.
«Вăй хуни» программăн пĕрремĕш кăларăмне Раççей Президенчĕ Владимир Путин 2017 çула Экологи çулталăкĕ тесе палăртнине халалланă. Вăрттăн йĕркеленекен свалкăсемпе мĕнле кĕрешмелле? Халăхăн культура шайне ÿстерес тесен мĕн тумалла? Атăл шывĕн пахалăхне лайăхлатассинче эпир витĕм кÿме пултаратпăр-и? Регион ертÿçи Михаил Игнатьев республикăра пурăнакан çынсене хумхантаракан çак тата ытти нумай ыйтăва ОНФ, «Раççейри экологи» регионри проектăн регионсем хушшинчи «ЭКО. Раççейри симĕс юхăм» экологи обществăлла организацийĕн представителĕсемпе пĕрле хутшăнса сÿтсе явать.
Программăна Раççей журналисчĕ, Раççейри Общество телекуравĕн ятарлă проекчĕсен регионти дирекцийĕн директорĕ Сергей Ломакин режиссер ертсе пырать.
Хисеплĕ телекуравçăсене çакна аса илтеретпĕр, «Вăй хуни» программăн пĕрремĕш кăларăмне пуш уйăхĕн 21-мĕшĕнче «Россия 1» регионти телекуравăн эфирĕнче ирхине 09:00 сехетре, пуш уйăхĕн 25-мĕшĕнче «Россия 24» регионти телекуравăн эфирĕнче каçхине 19:00 сехетре, Чăваш Ен наци телевиденийĕн эфирĕнче программăна пуш уйăхĕн 21-мĕшĕнче каçхине 21:00 сехетре, пуш уйăхĕн 22-мĕшĕнче ирхине 09 сехет те 30 минутра, пуш уйăхĕн 26-мĕшĕнче ирхине 10:00 сехетре, каçхине 17 сехетре курма пулĕ.