15 марта 2017 г.
Районта Пĕтĕм Раççейри наркотиксене хирĕçле «Вилĕме ăçта сутаççĕ;» акцин пĕрремĕш тапхăрĕ пуçланчĕ.
Кăçалхи мартăн 13-24-мĕшĕсенче профилактикăна ирттерекенсем - ШĔМĕн Чăваш Республикинчи наркотиксен çаврăнăшне тĕрĕслесе тăракан управленийĕ тата Чăваш Республикин Сывлăх сыхлавĕн министерствин наркологи служби тĕрлĕ информаци хатĕрĕсене вырнаçтарас, «шанăç телефонне» палăртнă листовкăсемпе буклетсене салатас енĕпе ĕçлеççĕ, наркотиксене хирĕçле профилактика ĕçĕсене ирттереççĕ.
Çак тапхăрта право сыхлавĕн органĕсем çамрăксем массăллă пухăнакан вырăнсене тĕрĕслеççĕ, наркотиксен саккунсăр çаврăнăшĕпе çыхăннă преступленисене тĕпчеççĕ, çул çитмен çамрăксене наркомани çулĕ çине тăма хистекенсене хирĕç уголовнăй ĕçсем пуçараççĕ.
Н.БАЙДУГАНОВ.